Shillong: U MLA ka Mawsynram u bah Oland Sing Syiem ula ong ba katkum ka jingtip kaba la ioh na ka sorkar jylla, ka khubor kaba kham bha na ka bynta ban ioh noh ia ka Mawsynram Civil Sub-Division kan long lashem snem.
Mynta ka sngi, u MLA ryngkat ka synjuk ki Rangbah Shnong ka thain Mawsynram, ka la aiti ia ka dorkhas ha u symbud myntri rangbah bah Prestone Tynsong ban pynurlong noh ia ka jingdawa jong ki paidbah ka thain ban pynioh ia ka Civil Sub-Division.
U bah Suin ula iathuh ba nalor kane ka mat, la iakren ruh ban pynbha ia ka surok naduh Weiloi shaduh Phlangwanbroi bad na Phlangwanbroi sha Ranikor haduh Maheskhola.
U la ong ba ka surok na Weiloi sha Phlangwanbroi yn khot tender noh ha u Naiwieng ne Nohprah katba na Phlangwanbroi dang don ha ka jingpynkhreh u Chief Engineer ka PWD kaban kot sha ka T.280 klur lait noh ka jingkieng Umpung kaban mang da kawei ka jingmang pisa.
Ynda la dep ia kine, ka Mawsynram konstitwensi kan sa kup da kawei ka dur ka dar kaba bha briew bad itynnad.
Ha u snem thymmai yn ioh khubor kaba kham bha ia ka Mawsynram Civil Sub-Division, ong u MLA
