Shillong: Ka jingiakop niah ha thliew khyndew, suh sha suin, ha lyuh bad halor ki jingkieng dieng, ka la sdang mynta ka sngi ka 22 tarik Risaw 2025 ha Mawlyndep, Umiam Ri-Bhoi bad kan kut lashai ka sngi.
Ki don 60 ngut ki nongniah kali kiba iashim bynta kynthup ar ngut ki kynthei ha ki lai tylli ki kyrdan jingiakop bad kumba 6 kali ki wan nabar jylla ban iashim bynta ha kane ka jingiakop.
Ia kane ka jingiakop niah kali ha surok khohruh khohram, ha ki lum, ha ki lyhuh wah bad ki thliew la pyniaid da ka Adventures Hynñiewtrep Off Roaders (AHOR). Ia kane ka jingiatip la tip kum ka 7th 4X4 Off Road Challenge.
Ka jingiakop kaba kum kane ka la khring ïa ki paidbah nongpeit kai kiba la ïoh ïa ka jingbyrngia ha kaba la don kiba wan iashim bynta na Arunachal Pradesh, Assam bad kiwei kiwei ki jylla.
Ïa kane ka jingïakop ñiah Kali la wan plie pyrda da u Bah Damian Umdor, u ba dei u President ka AHOR.
Ka khusnam ha kane ka jingiakop ka long 8 lak tyngka bad ka jingiakop ka kynthup ka Semi Modified, Pro Modified bad Stock.
Suh ki jeep sha thliew, her ruh sha suih ha ka iakop AHOR 4X4 Off Road Challenge, 2 ngut ki kynthei ruh
