Shillong: Ka PHC ha Dangar wat hapdeng ka jingduna, hynrei ka leh ia ka kam kat ka CHC pynban bad ia kane, la lap ki nongialam ka Hynñiewtrep National Youth Front (HNYF) Southern Border Area ha ka jingleit jurip mynta ka sngi.
Katkum ka jingiohi ki nongialam ka seng, kane ka PHC kaba don ha khappud ka India bad ka Bangladesh ka la donkam ban kyntiew kyrdan noh CHC namar ka rukom ai jingshakri jong ka ïa ki paidbah jong ka dong bad ka thaiñ, ka la long kaba khraw shibun.
Ka Dangar PHC ka don ha ka thaiñ khappud India-Bangladesh kaba hap ha Mawsynram C&RD Block, East Khasi Hills District.
U President ka HNYF Southern Border Area ryngkat ki dkhot, u Bah Kyllang S Thongni kila kynduh ïa u Medical Officer jong katei ka PHC ban ïakren, ïaphylliew jingmut bad ban ïohsngew ïa ka jingtreikam jong ka kaba kum ka seng ka la sngew dei ban dawa kyntiew kyrdan noh sha ka CHC.
Ka Dangar PHC ka dei kaba la rim bha bad ka ai jingshakri ym tang ïa ki shnong kiba hap hapoh ka East Khasi Hills, hynrei ïa kiwei pat ki shnong kiba hap ha South West Khasi Hills kum ka shnong Balat bad Umpung, Pyndensohsham, Mawpud, kumta u ong ba katkum ki kam, ïa kane ka PHC ladei ban kyntiew kyrdan noh sha ka CHC.
Ka kyrteng PHC Dangar hynrei ka treikam kat ka CHC hapdeng ka jingduna
