Shillong: U nongialam ka seng TMC Meghalaya u Dr. Mukul Sangma ula kam ba ki don bun ki MLA, MDC barim kiba la wan pasiaw bad tur sha ka TMC ba ki thrang ban iasoh bad kane ka seng.
Haba kren dang shen, u la ong ba ki don ruh ki nongialam, ki samla kiba dang thymmai kiba angnud ban shakri ia u paidbah kiba la pynkhreh ban rung sha ka TMC. Hynrei um kwah ban iathuh mano bad kiei kita ki briew hynrei kin sa paw ha kine ki sngi.
U la ong ba ha Khasi-Jaintia Hills, ka TMC kam pat lah bha ban pyniar ia ka thapniang ha ka rukom kaba dei namar ka jingdon bun ki jingeh, watla ka kiew bha ha Garo Hills. U la ong ba u dei u nongialam ki MLA ka TMC hynrei um shym la bat kam eiei ha ka party hynrei um ju lushia ia ki kam jong ki nongialam naduh ba u long kum u polishian.
Ha kajuh ka por, ula ong ba don ki briew ki bym don ka jingiai shah bad ki kynriah nawei shawei hynrei kum u nongialam hap ban pyrkhat, bad bishar bniah ia kiei kiei shwa ban jam ne shim ia ka rai bad kum u nongialam ka TMC un iai trei ban kyntiew ia kane ka party namar ba ka thong ka long ban kyntiew bad shakri ia ki paidbah.
Ki don ki MLA, MDC barim ki wan tur sha ka TMC, kam u Dr. Mukul
