Shillong: U Symbud Myntri Rangbah uba peit ia ka tnad pynroi sor u bah Sniawbhalang Dhar ula ong ba ka sorkar ka dang wad jaka ban pynkynriah ia ki kharmetor na them iewmawlong bad ka la don ruh ka jingiakren bad ki bor shipai ka ri ban ai jaka ia ki.
Haba kren mynta ka sngi, u bah Sniawbhalang ula ong ba ka sorkar ka dang khih dang ksar ban pynkynriah ia ki kharmetor bad ki paidbah kin sa tip halor kane.
U la ong ba ka sorkar kan ym shong kli kti hynrei kyrmen ban lah ban pynbeit ia kane ka kam ban pynkynriah ia ki karmetor na katei ka jaka.
Lah ban kdew ba ka sorkar ka la pyrshang ban pynkynriah ia ki kharmetor naduh u snem 2018 hadien ba ka la mih ka jingiakhih ha ka nongbah hynrei haduh mynta kane ka kam ka dang sahteng.
Dang wad jaka ia ki kharmetor, la iakren bad ka tnad shipai ruh, ong u symbud myntri rangbah
