Shillong: Katkum ka jingpyntip ki pulit, ia u bom Improvised Explosive Devise (IED) ba la buh ha phyllaw ïing briew hakhmat ka Meghalaya Rural Bank Umsning, la shna da kaba pyndonkam 4.7 kilo ki Gelatine, 10 tylli ki tikli, bad kumba 50 tylli ki nar rod lyngkhot.
Ïa ki tiar ba la law na utei u bomb IED ki pulit ki la kurup noh bad rah ban bishar bniah sha Umsning Police Station.
Hynnin ka miet 11 tarik Risaw 2025, ki pulit ka Ribhoi ki la lah ban pynlip ïa u bomb Improvised Explosive Devise (IED) uba la buh ha katei ka jaka. Lada dei ba ki pulit kim ioh ban pynlip, lada jia ba u bthei kan wanrah ka jingjulor ba shyrkhei.
La ïathuh ba ki la ithuh ïa uwei u briew uba leit buh ïa utei u bomb, bad na ka liang ki pulit ki la buddien ban kem ïa uta u briew uba ki suba.
Halor kane ka jinglap ïa u Bomb IED bym pat bthei, ki pulit ki la register case ha Umsning Police Outpost bad ka jingtohkit ka la ïaid ban kem ïa kiba donkti.
4.7 kilo u Gelatine, 10 tylli ki tikli, 50 tylli ki nar rod lyngkhot pynap ha phyllaw ïing
