Shillong: Kaba haïing hasem jong u heprit Kyrshanbor Kharmudai, 7 snem, ka kong Bajolin Kharmudai kaba dei ka bakha, kala iathuh ba ki don ki dak mong ha ka met jong u heprit.
Haba kren mynta ka sngi, ka kong Bajolin ka la ong ba ha ka met u heprit Kyrshanbor, ki don ki dak mong na shyngkai, ha ki bynta mynrain, ka krung, u budlum, na shkor bad ka khmut ka mih snam.
Ka la pynpaw ia ka jingsngewsih kthang halor kane bad kumba ka paw, u la iakhun shwa ban shah pyniap katba lah ei ka bor barit kum u khunlung.
Na ka liang jongka, ka la ong ba ym don daw eiei na kiba haiing badno badno namar ba ki dei ruh kiba duk, shu bylla sngi bam da miet. Ki don bun ki jingshah trud ha ka met jong u, bad ka la pynpaw ba kam I dei ba u iap suk.
Ka la kyntu ia ki pulit ban tohkit bniah, ym ban shu kyrkieh ban pynkut noh ia kano kano ka kam, hynrei ban tih bniah ban lap ia ka jingshisha baroh.
Lah ban kdew ba u heprit Kyrshanbor ula jah na phyllaw ïing hynnin ka sngi hynrei ia ka met jong u, la lap mynta ka step na law rumnong ha Mawpat.
U heprit u don dak mong na shyngkai, mynrain, krung, budlum, shkor, mih snam na shyntur, iathuh kaba haïing
