Shillong: U SP ka east Khasi Hills u bah Vivek Syiem mynta ka step ula mareh bran bran sha ka jaka kaba lap ia ka met jong u heprit ha Lum rumnong ha Mawpat.
Haba kren sha ki lad pathai khubor, u SP ula pynthikna ba ka jingiap jong une u heprit uba jah na Nongrah hynnin ka sngi, ka dei kam pyniap bad ki pulit kin pyllong ia ka jingtohkit bniah ban lap ia kiba donkti.
U heprit Kyrshanbor Kharmudai 7 snem, ula jah klep hynnin ka sngi na Nongrah katba u dang ialehkai habar ka phyllaw ïing hynrei mynta ka step, la lap ia ka met jong u na law sanium ha law rumnong, Mawpat.
U SP u la ong ba ki dang ap ia ka post mortem report halor kane ka jingjia ban tip kham bniah ia ka rukom shah pyniap jong une u khynnah.
U heprit 7 snem na Nongrah ula shah pyniap, ong u SP
