Shillong: U CEM ka KHADC u bah Winston Tony Lyngdoh ula bate kam ia ki Executive Member thymmai ka KHADC mynta ka sngi hadien ba la ioh ia ka jingmynjur na u Lat ka jylla u CH Vijayashankar ha ka 7 tarik mynta u bnai.
Ha ka jingbate kam, u CEM un peit hi ia ki kam khaïi pateng, pynkynriah ia ki nongtrei, ka lariti bad kiwei, katba u bah Powel Sohkhlet un peit ia ka khyndew ka shyiap, ka teknoloji, katba u bah Seiborlang Warbah un peit ia ka tnad pla pisa, ka khajna bad ka khlaw.
Ka kong Aibandaplin L Nonglait kan peit ia ka jingkhuid jingsuba, ka koit ka khiah katba ka kong Deity Majaw kan peit ia ki kam ain, ka shongkha shongman.
U Bah Isynei Hinge un peit ia ka kam ri dohkha bad ka um ka wah, u bah Pynkhawboklin Kharjahrin un peit ia ka jingtei bad ki ain shna ïing bad u bah Denzil Raynard Chen un peit ia ka iew ka hat bad ka kam eleka.
Peit nongkhaïi hi u CEM, ka pisa ha u bah Seibor, ka khyndew bah Powel, pynkhuid kong Aibandaplin, yn peit shijur ka kong Deity, ri dohkha bah Isynei, shna ïing bah Pynkhraw, yn leit iew bah Denzil
