Shillong: Ka jingduh ki mynsiem briew man ka por na ka jingjia aksiden kali ha ka surok bah Shillong-Guwahati kaba hap ha them Bhoi, ka la pyllong ia ki pulit ban syngit kham tyngeh ia u lakam jong ka ain pyrshah ia ki nongniah kali thurmur bad kiba dih kyiad.
Hynnin ka miet, ka 7 tarik Risaw 2025, ki pulit ka Ri Bhoi kila mih sha surok ban bat naphang bad talasi ia ki kali khamtam ia ki nongniah kiba la buaid da kaba phah kbum ha shyntur da u Straw ban thew ia ka jingdon ka kyiad ha ka met ki driver kali bad kiba la palat ia ka jingthew, ki la dain da ka kuna.
Ha kane ka jingtalasi, ki pulit kila ioh dain kuna T. 8 lak tyngka tang shimiet na ki driver buaid.
Kila dain kuna ruh ia ki kali ba la leh tam ban pyndait khyllew ia ki light ha ki kali, pyndait jingsawa na jingmih tdem jong ki kali bad ki ar shaka.
Kila maham ruh ia ki nongniah kali ba kin leh tyngeh lada ki dang mlien ban pynkhein ia ka ain niah kali.
Shimiet T. 8 lak ioh dain kuna ki pulit na ki nongniah kali buaid
