Shillong: Ar ngut ki briew kila khlad bad uwei ula mynsaw jur hadien ba ka Bolero kaba ki shong, ka la shah rat ha ka trok haduh ba la ishyrkhei.
Kane ka la jia ha Umsaw Nongkharai ka surokbah Guwahati-Shillong mynta ka janmiet kumba ha ka por 8baje eiei.
La iathuh ba kawei ka Trok kaba don u Registration Number MLA 05 L 4368 kaba wan hiar naki bynta shillong ka la leit ban rat ïa kawei ka Kali Bolero kaba don ia u Registration Number MLA 01 7455 kaba dei ka Kali ka tnad Sports And Youth Affair kaba dang kiew sha ki bynta Shillong.
Ka jingjia ka long kaba shyrkhei ha kaba ka Bolero ka la pra phum bad shah lied lut ka met jongka katba katei ka trok ka la thiah lyngdang hapdeng surok.
ïa u Nongniah ïaka truck la rah noh daki Pulit sha thanad Nongpoh.
Katkum ki khubor ba la ioh lum, la iathuh ba katei ka trok kaba thylli kaba wan na ki bynta Shillong ka la kynthih na shiliang ka surok sha kawei pat bad ka la leit ban rat ia katei ka Bolero kaba haduh ba ka la pra phum.
Naka liang ki Pulit ki la poi wut wut sha katei ka jaka ban pynlong iaka jingtohkit bad ban leh ia kaba donkam.
Kynthih bad Rat ka trok ia ka Bolero haduh ban pra phom, iap 2 ngut
