Shillong: Ka Seng Rashtriya Swayamsevak Sangh ne RSS kaba ju tip paidbah ha India, ka la rakhe ia ka jingdap 100 snem jongka ha kane ka sngi Palei, ka 2 tarik Risaw 2025. Ka Rashtriya Swayamsevak Sangh ka mut ‘ National Volunteer Organization’.
La seng ia ka RSS ha ka 27 tarik Nailur 1925 da u K. B. Hedgewar ban wanrah ia ka jingiatylli ha ki Hindu, ban kyntiew bad burom ia ki riti dustur lajong ka India bad ka dor jong ki jingstad ba la sain dur u longshwa manshwa.
Ka jingthmu ka dei ka ban shakri paidbah Khlem kano kano ka jingkhmih lynti ban ioh nongkylliang bad ka nongrim jongka, ka long ka ri kaba nyngkong, kiwei ki wan hadien.
U nongialam ba mynta ka RSS u dei u Mohan Bhagwat.
Ia ka jingrakhe ha kane ka jylla, la pyllong ha ki katto katne ki jak akum shi bynta jong kane ka jingdap 100 snem kane ka seng, kaba bun paid bha ha ka pyrthei.
Rakhe ka RSS ia ka jingdap 100 snem kylleng ka ri kynthup ha Meghalaya
