Shillong: Ban pynkhlain ia ka jingiakhun pyrshah ia ki kam pyntriem ha ka jylla, ka tnad pulit ka la thaw ia ka Anti-Terror Squad (ATS) bad ia kane, la plie u Myntri Rangbah u Conrad K Sangma mynta ka sngi ka 29 tarik Nailur 2025 ha ka jingdon lang u symbud myntri rangbah ba peit ia ka tnad kam pohing bah Prestone Tynsong.
Ha ka prokram kaba long ha Police Headquarter, Shillong la don lang ka DGP kong Idashisha Nongrang, bad kiwei ki heh pulit ka jylla.
La thaw kyrpang ia kane ka kynhun ba kan pylleit jingmut halor kumno ban tehlakam bad ban iakhun ia ki kam pyntriem, ha kaba la ai ia ka jinghikai kaba kyrpang ia ki, khamtam ban iakhun bad kito ki riew ialeh pyrshah ia ka ri.
U myntri Rangbah ula pyllait ruh ia ki kali Mobile Forensic, nangta ia ka kot New Criminal Law kumjuh ia ka website MegPol bad ka PIMS.
La ai burom ruh ia ki pulit kiba la aiti bad shakri ha ki kam kum ki pulit.
Thaw ka tnad pulit ia ka Anti-Terror Squad ban iakhun ia ki kam pyntriem
