Shillong: U Bah Donald P Wahlang, IAS ula shong thait mynta ka sngi kum u Chief Secretary ka jylla. Ha jaka jongu, la shimti sa u Dr. Shakeel Ahmed.
Haba kren sha ki lad pathai khubor, u bah Donald ula ong ba ha kine ki lai snem tam ba ula bat kum u Chief Secretary ula sngew hun ia kaei kaba ula lah ban trei khamtam ban ai nguh ia u Blei uba la ai ka jingkoit jingkhiah.
Hynrei hapdeng kine ki jingsngew hun, ki dang don ruh ki mat kiba u dang sngew sahnud kiba u thrang ban iohi ba kiba hadien kin pyndep.
U bah Donald ula pynpaw ba ka mat kaba iadei bad ka jingpynkhuid ia ka wah Umkhrah, ka jingkynrei u drok, nangta ka jingdeng kali ha ka nongbah Shillong. Kine ki mat ki dei kiba ktah bha ia u paidbah man ka sngi, kiba donkam ban pylleit jingmut kham bha.
Ka jingjia ha ki kam khappud ka long kawei ka mat kaba ula iakhun tyngeh kumno ban wanrah ia ka shongsuk shongsain. Kum u Chief Secretary ula pynpaw ba ka long ruh kaba donkam ban don noh ka Service Rules ia baroh ki tnad sorkar.
U bah Donald un shimti noh mynta kum u Chairperson ka Meghalaya Food Commission.
Sngew hun u bah DP Wahlang, dang bun kiba dang kwah ban pyndep
