Shillong: Nalor ka nam ba ka la ioh kum ka thymmei ka ktien ka thylliej, ka akor Khasi bad kaba jur slap tam, mynta ka thain Sohra ka la pynkhreh ban iakhun sa ia kawei ka nam, bad kata ka long ban long kaba khuid tam ki jaka jngohkai bad ki sawdong sawkun.
Shi bynta ban pynurlong ia kane ka jingthmu, ka Hima Sohra ka la pyllait ia ka Green, Clean and Safe Sohra Campaign dang shen ha Mawkdok.
U Paiem ula iathuh ba shi bynta halor kane, la sam syrnod ruh sha kumba 50 ngut eiei ki volunteer ne ki Tourist Assistant Team ka Hima Sohra ba kin peit ia ka jingkhuid jingsuba.
U Syiem ka Hima Sohra u Paiem Freeman Sing Syiem ula pynpaw ia ka jingsngew burom ia ka jingpdiang ia u bah Paul Lyngdoh uba la noh synniang shibun ia ka kam jngohkai ha ka thain Sohra khamtam ha ka por ba u long myntri sorkar.
Nalor ka akor ka burom, ka ktien ka thylliej, ka Sohra kan long ruh kaba khuid tam
