Shillong: U nongaiktien jong ka VPP ha KHADC ba dei artad u MDC ha ka juh ka por u EM bah Powel Sohkhl;et u pynpa wba ka daw kaba pynlpong ia u Chief Executive Member bah Shemborlang Rynjah ba un ieh noh ia kane ka shuki kam dei ba u don kano kano ka daw, pynban u la iathuh ba ka jingiehnoh ia kane ka shuki ka dei namar ba um don hapdeng ka met kaba koit ba khiah.
Habakren sha ki lad pathai khubor, naka liang bah Powel, u pyntip ba hadien kane ka rai, ka la don ka jingioalang jong baroh ki M<DC ka party VPP, hadiena ba ki la shem ba dia kynduh markhmat bad u CEM, uba la ioh ban batai sani bha ia ki daw baroh, da kumta, kum ki para nongmihkhmat ki la shim bad pdiang ia kane ka rai jong bah Shemborlang Rynjah ban ieh noh ia ka shuki kum u CEM.
Haba iadei bad kane ka rai, na ka liang bah Powel u pyntip ba ia mynta, ki la ieh pat ha ka rai jong ka party ba kan leh ia kaba donkam, ha ka juh ka por u la kyntu ia ki paidbah ba kim dei ban don kano kano ka jingartatien bad ban nym don kano kano ka jingsngew, hynrei ba kin tip ba kane ka rai ban hiar shuki noh u CEM, ka dei hi ka daw ba u kwah ban leit ban shah sumar shwa, ia kaba kum ki para MDC bad kum ka party ka kyrmen ba yn ioh noh ia ka koit ka khiah kaba pura.
Khyllem ka EC ka KHADC ba risain noh u CEM, hap jied thymmai ka VPP ia u nongialam
