Shillong: Hadien lai sngi ba ka la jah na la ïing, la lap ia ka met iap jong ka samla lud ka Iwanpynkmen Nongsiej kaba dang 14 snem ka rta.
Kane ka samla lud ka la jah naduh ka 20 tarik mynta u bnai Nailur 2025 bad la lap mynta ka sngi ha ka por 12 baje ei ei da ki katto katne ngut ki briew kiba leit kheit tit khlaw na kawei ka jaka kham pajih na ka ïing sah jong katei ka samla lud.
Kane ka samla lud ka dei na shnong Mawlangkhar kaba hap ha ka shnong Kseh Kohlong ha ka thaiñ Nongstoiñ, West Khasi Hills District.
La ong ba la lap ïa ka metïap katei ka samla kaba la sdien ha uwei u dieng kseh, bad ïa ka metïap la rah noh sha Civil Hospital Nongstoiñ ban pyndep ïa ki jingdonkam.
Hadien 3 sngi, lap ia ka met iap ka samla lud ba phasi ha u dieng kseh
