Shillong: U Commissioner & secretary ka tnad pule puthi ka jylla, u Vijay Mantri mynta ka step, ka 23 tarik Nailur 2025, ula wan khot hi ia ki nonghikai adhoc na madan Malki, kiba dang pyllong ia ka jingiakhih ban dawa pynrung noh ha ka deficit pattern.
U Commissioner ula phah ktien ba ka sorkar jylla ka la khot ia ki sha ka miej ban iakren mynta ka sngi ban pynbeit halor ki mat jingdawa jongki.
Katkum ka jingong u Vice President ka Federation of All School Teacher of Meghalaya (FASTOM) u Sanborn Jungai ula ong ba kin leit sha ka jingkhot iakren ka sorkar bad ki khmih lynti ba kin ioh ia ka jingkular ym tang da ka ktien hynrei da ka jingthoh.
Lah ban kdew ba ki nonghikai ha ka 22 tarik kila pynlong ka jingaiiad rally bad kila pynlong ka jingshong kyraon ban dawa ba ka sorkae kadei ban kyntiew noh ia ki sha ka deficit system.
Dang step na madan Malki, wan khot hi u Commissioner ia ki nonghikai sha Secretariat
