Shillong: U myntri ka tnad pule puthi ka jylla u bah Lahkmen Rymbui ula ong ba um pat tip bha ia ki jingdawa jong ki nonghikai skul Adhoc bad u donkam ban pule bniah bha, shwa ban ai kano kano ka jingpynbna.
Mynta ka sngi, ki nonghikai skul Adhoc hapoh ka lama ka Federation of All School Teachers of Meghalaya (FASTOM) kila pyllong iaka jingiakhih shong kyr-aiñ ha madan Malki ban dawa na ka sorkar jylla ban pynrung deficit noh ia ki nonghikai Adhoc baroh.
U bah Lahkmen u la ong ba ka jinglut na ka bynta ban shimti ia ki nonghikai adhoc sha ka deficit kan wanrah ka jinglut kaba rben bha ha kaba ka sorkar kam lah ban shu leh hak dak khlem da bishar bniah shwa.
U la ong ba ka sorkar kan sa bishar bad pule bniah ia ki jingdawa ban tip kaba lah ne em ban leh.
Hap pule shwa ia ki jingdawa ka FASTOM ba ka rben ka jinglut, ong u bah Lahkmen
