Shillong: Ar ngut ki shipai ka Assam Rifles kila khlad katba san ngut kila mynsaw ha ka jingshah hiar thma ka kali kaba ki shong ha ki lehnoh ha Manipur mynta ka janmiet.
Kane ka la jia ha ka por ba kine ki shipai kila mih da kali na Bishnupur district ha katei ka jylla.
uwei u shipai na Meghalaya uba la tip kyrteng kum u LP Sangma 46 snem uba na Tura ula mynsaw ha kane ka jingshah hiar thma.
U shipai na Tura u dei u khun u Waitstick S Momin. Kiwei pat kiba mynsaw ki long u Ningthoukhongjam Nongthon na Imphal East, u DJ Dutta na Lakhimpur ha Assam, u BK Rai na Sikkim bad u Subashchandra na Uttarakhand.
la pynkit ia ki sha RIMS Imphal ban ai ka jingsumar.
Kiba khlad pat la tip kyrteng kum u Naik Subedar Shyam Gurung bad u Keshap.
Kane ka jingshah hiar thma ka jia ha ka thain Nambol Sabal Leikai, ka Manipur ha ka Bishnupur District.
Mynsaw u shipai na Meghalaya ha ka jinghiar thma ki lehnoh ha Manipur
