Shillong: U Myntri Rangbah ka jylla u Conrad K Sangma u lah ban pynhap shuki noh ia san ngut ki myntri sorkar bad ha jaka jongki, un pynrung da kiwei pat ha kane ka sorkar MDA-2.
Katkum ka khubor kaba la saphriang lai ngut ki myntri sorkar na ka NPP ki lah ban shah pynhap ba kynthup ia u myntri ka tnad sam marbam, u bah Comingone Ymbon, u myntri ka tnad pule puthi u Rakkam A. Sangma bad u myntri ka tnad bording u Abu Taher Mondal.
Ha ka jaka jong kine, yn pynrung bujli da u Timothy D. Shira, u Marthon J. Sangma bad u bah Wailadmiki Shylla.
Kiwei pat kiban shah pynhap ki long u myntri ka tnad ialehkai u bah Shakliar Warjri uba dei na ka HSPDP bad yn mih bujli u bah Methodious Dkhar bad u myntri ka tnad ri jingri, bah Alexander Laloo Hek jong ka BJP ban mih bujli u bah Sanbor Shullai.
Na ka UDP, ha jaka u bah Paul Lyngdoh bad bah Kyrmen Shylla, lah ban mih bujli noh u bah Metbah Lyngdoh, bad u bah Lahkmen Rymbui.
Katkum ka jingtip, ka jingbujli myntri kan jia noh ha kane ka taiew ban wan lada kam don da kumwei pat ka jingkylla.
Lah ban shah pynhap shuki noh 5 ngut ki myntri sorkar
