Shillong: Ka sorkar jylla ka la pynbna ba ka jylla kan iam briew lai sngi kynthih halor ka jingkhlad noh u myntri rangbah barim ka jylla u Dr. DD Lapang.
Ka jingiam briew kan long naduh 13 haduh 15 tarik mynta u bnai bad baroh ki ophis sorkar kin sangeh ban pyllong ia kino kino ki prokram.
Ha ka jingpynbna mynta ka sngi, u Commissioner & Secretary ka tnad General Administrative Department bah Cyril V.D Diengdoh, la bthah ba ka lama ka ri kan hiar mar shiteng ha kine lai sngi.
Ha kajuh ka por, ka sorkar jylla kan leh burom khadduh ia u Dr. DD Lapang ha ka 15 tarik ha ka por 1 baje nohphai sngi ha Madan Student, Jaiaw, Shillong.
Yn iam briew ka jylla 3 sngi, ka lama ka ri kan hiar shiteng, pynbna ka sorkar
