Shillong: U myntri rangbah ka jylla u Conrad K Sangma ula ong ba kino kino ki briew kiba kynduh jingeh kum haba lip ding, sniew surok, ne kino kino kam ka sorkar, ki samla kiba don shabar haba ki kynduh jingeh ne donkam jingiarap, ki lah ban shu phun ha u number 1971, bad kin sa ioh ia ka jubab.
U myntri rangbah u la pyntip ia kane hapoh ka iing dorbar thaw ain mynta ka sngi, haba bynrap ia ka jubab halor ka tnad bording.
U Conrad ula ong ba kito ki briew ne ki shnong kiba kynduh ia ka jinglip ding ne ki kam kiba iadei bad ka sorkar, kin shu phun ha une u number bad tang da ki minit, kin ioh ia ka jubab.
Haba lip ding, sahkut shabar, ne kwah jingshai na ka sorkar, shu phun ha u 1971, ong u Conrad
