Shillong:Ka sorkar jylla ka la pynkhreh ban pynkynriah ia ki nongdie madan na lynti iaid kjat ha khmat ka Shillong Civil Hospital khnang ban pynwan dur thymmai ia katei ka jaka.
Katkum ka jingiakren bad ki katto katne ki nongdie, kila iathuh ba ki briew ka sorkar ki la wan pyntip sha ki, ba kan pynkynriah noh ia ki na katei ka jaka kumba shi snem tam eiei sha ka jaka ka PWD kaba don hajan katei ka jaka bad hadien ba kila dep shna, kin sa ai biang ia ki ha katei ka jaka.
Kawei ka longkmie ka la ong ba kam don jingeh ban kynriah namar ba kin sa ai biang ka jaka ynda la shna bha bad ka la pynpaw ka jingsngew tynnad lada ka sorkar ka leh bha lei kumta.
Dang shen, ka sorkar ka la dep ban pynkynriah ia ki nongdie madan na lynti iaid na Khyndai Lad sha parking ka MUDA kaba don ha katei ka jaka bad kane ka la wanrah ka jingsuk ha ka leit ka wan jong ki nongiaid lynti bad kumjuh ka jingkhuid jinguba.
Yn pynkynriah shipor ia ki nongdie madan na lynti Civil Hospital ban shna pynbha
