Shillong: U nongialam liangpyrshah u Dr. Mukul Sangma ula maham ia ka sorkar jylla ba ka dei ban husiar ioh shah ialam bakla biang ki samla ban leh ia ki kam pyntriem.
U Dr. Mukul ula ong ba ka jylla Meghalaya ka dei kaba long syier bha namar ba ka don ki khappud kiba jrong bha bad ka ri Bangladesh ha kaba ki riew pyntriem na shiliang pud, ki lah ban pynngop ia ki briew na kane ka ri sha ki kam pyntriem.
Haba maham ia ka sorkar, u Dr. Mukul u la ong baka sorkar ka dei ban long kaba husiar, kaba peitsiar, bad kaba kitkhlieh namar ba la thikna ba u myntri rangbah un ioh shibun ki jingtip halor kane. U la ong ba mynta lei, ka jingiadei ka India bad ka Bangladesh ka la kham sniew ban ianujor ha ki snem kiba la leit.
U Dr. Mukul ula ong ba mynshwa, u la kren teng ba ka la don ka jingpyrshang ban pynrung ia ki samla ha ki kam pyntriem shwa ban wan pyndem u heh ka seng lehnoh ULFA ha Garo Hills u Raj Khowa.
U la ong ba la iohi pat ba u myntri rangbah u conrad K Sangma u mlien bha ban len haba iadei bad ki kam pyntriem bad ha kaba iadei bad ka jingtih deiwong beain.
Husiar ho sorkar ioh shah ialam bakla ki samla sha ki kam pyntriem, maham u Dr. Mukul
