Shillong: Ar ngut ki shijur bar jylla kila shah kem halor ka jingdonkti ban wan khaïi drok sha nongbah Shillong.
Une u bar jylla u dei na Karimganch, Silchar, Assam uba la tip kyrteng kum u Sadik Ahmed 27 snem bad ka lok jongu ka Arti Dorjee, 28 snem bad kine kila wan khaïi drok shaduh Shillong na ka jingthnem bha ka iew ki nongthied drok.
Hynrei mynta ka miet, ki pulit ka Anti Narcotic Task Force (ANTF) kila ioh kem noh ia u bad ka lok jong u na Laban Rilbong, kaba khot ka Nepali Compound ha ka jingkhynra ha ka por 10 baje eiei.
Na kine, la ioh kurp 4 tylli ki song sabon u drok uba khia kumba 42.10 Gram. Katkum ka jingtip, kine ki dei kiba ju mlien bha ban khaïi drok sha kane ka jylla ha ki por ba la leit bad ha ka jingpynap shrip ki pulit, kila ngat noh mynta ka miet.
La pynngat ia kine ha ka NDPS Act bad ka jingtohkit ban tih bniah shuh shuh halor kane ka dang iaid.
Naduh Silchar wan khaïi drok ki shijur sha Shillong ba thnem bha ka iew
