Shillong: Ki pulit ka State Disaster Response Force (SDRF) ryngkat ka Search & Rescue Team (SRT) jong ka Fire & Emergency Services (F&ES) kila ioh ia ka met u Dameshwa Thabah 16 snem ka rta na Sohiong Stand, uba shah rong ha ka wah Weiniangriang kaba hap ha shnong Mawtap, Sohiong, East Khasi Hills district.
U Damesha ula shah rong ha ka um hynnin ka sngi u Blei por janmiet ha ka por ba u dang leit tam ia ka bol kaba hap sha wah.
Ki SDRF kila pyllong ia ka jingwad ia une u samla khynnah naduh dang step mar synioh jingkhot na ka District Disaster Management Authority (DDMA) East Khasi Hills bad kila lap ia ka met jongu haduh janmiet bad la aiti sha ki pulit kiba la aiti pat sha kiba haiing hadien ba la pyndep ia ki jingdonkam baroh.
La Ioh tam ia ka met u khynnah na Weiniangriang
