Shillong: Ki dkhot ka Congress Meghalaya kila kyndit hadien ba ki dkhot ka BJP Meghyalaya kila wan iaid bad hylla hakhmat ka ophis ka Congress Bhavan ha Jail Road, Shillong mynta ka sngi 1 tarik Nailur 2025. Kane ka la pyllong ia ki dkhot ka Congress ban mih na ophis ban pynphai lang ia ka sur jingpynrem ia ka BJP.
Katba dang iaid ki dkhot ka BJP ryngkat ki placard na khmat ka Congress Bhavan, ki dkhot ka Congress ruh kiba ap na jrong ka ophis, kila iahylla lang pyrshah ia ka BJP.
Ka Meghalaya BJP ki la leit rah placard ha khmat ophis ka Congress Bhawan ka long ban pyrshah ia ka jingkren tohmet ki dkhot ka nongialam Congress ia ka kmie jong u Prime Minister u Narendra Modi ha ka jingialang ba long dang shen ha Bihar.
Na ka liang ki nongialam ka BJP ki la leit ai ejahar ruh ha Sadar Police Station.
Ha kane ka jingrah placard bad pynrem ia ki dkhot ka Congress la sakhi ruh ba ki nongialam ka Meghalaya Congress ki don ha ophis treikam ka Congress, kila mih ka thma ktien hapdeng jong kine ki ar kynhun.
Ki dkhot ka BJP kila ieng ruh hakhmat mar pyrshah ka Congress ryngkat ki placard da kaba pynrem ia ka Congress.
Kyndit ka Congress ba wan kyrkait kynsan ka BJP hakhmat ophis
