Shillong: Kiba haïing hasem kila sah ha umdum hadien ba kila ioh jingitp kynsan ba u khun jongki, ula khlad ha jylla Kerala, jngai bah na ka Shillong.
Haba kren mynta ka sngi, u kpa jong u samla Jonathan Rynjah, uba sah ha Mawlai Nongkwar ula iathuh ba u la suba jur ba u khun jongki, u lah ban shah pyniap dusmon ha katei jaka kaba u leit bylla.
U la iathuh ba u la ioh jingpyntip kumba 4 baje tam eiei janmiet na ki pulit ka jylla Kerala ia ka jingiap u khun kumba iuh tdong bsein.
Ula iathuh ba u Jonathan ula mih na Shillong ha ka 27 tarik mynta u bnai ban leit bylla sha Kerala lyngba ki paralok kiba ju iatrei. U kpa ula iathuh ba um ju ioh ban iakren namar ba lada phun ruh ka mobile ka lip beit naduh ba u shong ha ka rel na Guwahati bad dei tang ynda la ioh jingpyntip na u pulit ba u khlad.
U kpa ula iathuh ba ula ioh ia ka jingpyntip na kita ki paralok jongu ha kaba ki la phah wan noh ia u wut wut.
Hadien ba la ioph jingtip shaphang kane ka jingjia, na ka liang ka iing ka sem u Jonathan ki la leit ba kin ia kynduh ia u Rangbah shnong ka Mawlai nongkwar u bah Moon Rumnong, ha ka juh ka por ki la leit ruh wat ban pyntip sha Mawlai PS, ryngkat ka jingkyrpad naka bynta ban iarap ban pynpoi lem ia ka met u khun jongki.
U mih na Shillong ha ka 27 tarik sha kerala, ioh jingtip ba u iap pynban, iathuh u kpa u samla na Mawlai
