Sa 100 tylli tam ki kali kit nongwankai, yn thied shuh ka sorkar

Shillong: Ka sorkar jylla ka la pynkhreh ban thied sa 100 tylli tam eiei ki kali ban kit ia ki nongwankai sha kylleng ki jaka ha ka jylla.
Kine ki kali kin dei kiba biang ka jingkhlain, ka bor bad kiba pynsngew tynnad bha ia ki briew ban shong wat ha ka lynti kaba jngai bad kaba khohruh khohram ruh.
Kham mynshwa, ka sorkar ka la pyllait PRIME Tourism Vehicle Scheme ha kaba 50 percent ka jinglut la bei ka sorkar jylla ban thied ki riew shimet bad kaba sah, kin hap siew hi ia ka ram.
Kane ka long ban plie lad ia kito kiba kwah ban kamai kali ban kit ia ki nongwankai ha kane ka jylla.
U nongaiktien ka sorkar jylla bah Paul Lyngdoh ula iathuh mynta ka sngi, ba kham katto katne bnai, ka sorkar ka la thaw ia Committee kaban peit bad pule bniah ia ka ka kam bad ka la iasyllok ruh ia ki nongpyniaid ia ki kam jngohkai ha ka jylla.