Shillong: Ar ngut ki snar nongkhaïi drok kila ngat ha jar ki pulit ka Anti-Narcotics Task Force (ANTF) bad ki pulit ka East Jaintia Hills District Police kiba la pynap shrip ha Umkiang, East Jaintia Hills haka 25 tarik Nailar 2025.
Kine kiba shah kem ki kynthup ia u Hajrat Umar (28 snem) na Kaliachak ka District Malda, West Bengal bad la ioh kurup ruh ia u drok heroine ba khia 137.86 gram ba la song 11 tylli ki song sabon plastic uba shong dor kumba 60 Lak tyngka bad 2 tylli ki mobile phones na u.
Kham hadien, ki pulit kila ioh kem ruh ia u snar nongkhaïi drok na Shillong, uba tip kyrteng kum u Phulchand Ali uba sah ha Lum survey Ajmera, Shillong.
Ia kine la pynngat ha ka ain NDPS ha Lumshnong Police Station.
T. 60 lak u drok ha Umkiang shah kem u Umar uba na West Bengal bad u Ali uba na Lum Survey, Shillong
