Shillong: Kiba haïing hasem u samla Pynskhemlang Kharkrang 25 snem na shnong Umroi Nongrah, kila shu mareh beit haba don ba iathuh ba don ka jingsma ha kano kano ka jaka namar ba ioh dei ka met jong u.
Hynrei hadien ka jingmih jongki ban leit wad kylleng ki jaka khamtam sawdong ka pung Umiam kum sha Mawdun, Umbir, Mawlyndep bad Umiam hynrei kim lap dak satia.
U samla Pynskhemlang ula jah klep naduh ka 26 tarik Naitung, ha kaba katkum ka jingiathuh kiba haïing, la iathuh ba ki briew kila pyntip ba ula ngam jyllop hapoh ka pung Umiam, hynrei wat hadien ba la wad da ki bor sorkar la shi taiew eiei, hynrei khlem lap dak satia. Kane ka la pynsuba jur ia kiba haïing hasem jongu, ba ka lah ban dei pynban da kumwei ka jingjia.
Mynta ka sngi, ruh kila hiar sha ka pung Umiam, sha ki khlaw ha Mawlyndep, Umbir, bad Umiam khamtam ha ki jaka ba kila ioh jingtip ba don kano kano ka jingsma hynrei kim lap satia.
U bah Kronding Nongbsap ula iathuh ba ka ïing ka la pyrshang wad la katto katne sngi katba lah la ka bor hynrei kam pat lap satia bad ka la pyntip ruh sha ka shnong Nongrah, Umroi ban kyrpad ba kan iarap ban leit wad shnong lang ia une u samla bad ia mynta ki dang ap na ka liang ka shnong.
Ha kajuh ka por, ula iathuh ba u la ioh iakren ia u Superintendent of Police (SP) ka East Khasi Hills, u bah Vivek Syiem ba la bynshet ban tohkit bniah ha ki pulit ba kham Rangbah bad ula kyrmen ba kan seisoh namar ba ka jingtohkit jong ki pulit ka Mawlai PS, kam shym la ai ka jubab kaba hun ia kiba haïing.
Haba don ba pyntip ba don jingsma, mareh kiba haïing ban leit wad
