Shillong: Na ka jingdon kiba shim kabu ban khrong bnai na ki nongshong madan, ka dorbar shnong Wahthapbru, Shillong ka dang thwet tyngeh halor ka jingkynnoh ba don ki riew shim kabu kiba khrong pisa haduh 5 hajar tyngka ban ai jaka ia ki nongdie madan ha lynter ka Motphran.
Ha kajuh ka por, mynta ka sngi, 25 tarik Nailar 2025, ka Dorbar shnong ryngkat ka Shillong Municipal Board kila pyllong ia ka jingsorjamin ia katei ka jaka, na ka bynta ban pynbeit bhai a ka rukom shong die madan bad ban ruid da u lain saw, khnang ba kito kiba die madan kin ym tur palat sha lynti paidbah.
U Rangbah Shnong ka Wahthapbru bah Jopmiki Rymbai ula ong ba ka dorbar shnong ka dang wad bniah ia kita ki briew kiba shim pisa kumba 5-10 hajar na ki nongdie madan kiba shong ha katei ka jaka bad lada ka lap, kan aiti sha ka ain.
Ula ong ba ki nongdie madan kim dei ban ai pisa iano iano kiba wan khrong namar ba ka shnong kam shym la leh ia kane.
Ula ong ba ka shnong ka la don ka thup kyrteng ki nongdie madan ha katei ka jaka baroh ha kaba 90 percent ki dei ki para Khasi-Pnar.
U Rangbah Shnong ula ong ba ka shnong ka la shim ia kane ka sienjam na ka bynta ban pynsuk ia ki paidbah nongleit nongwan khamtam ia ka jingshngain ki khynnah skul.
Da u laiñ saw yn pruid ha Motphran, dang thwet ka Wahthapbru ia kiba khrong pisa
