Shillong: Kiba haiing u samla Pynskhemlang Kharkhrang, 25 snem na shnong Umroi Nongrah, kila ngeit ba ka met jong u, kam don satia hapoh ka um, hynrei ka lah ban long da kumwei pat.
Ha ka 26 tarik u bnai ba la dep, kiba haiing kila ioh jingtip ba u samla Pynskhemlang ula ngam jyllop ha pung Umiam hadien ba u leit sum bad ki paralok bad halor kane, ki pulit kynthup ki SDRF, S&RT kila pyllong ia ka jingwad ia u hynrei kim lap satia bad ka bor sorkar ka la khot ruh ia ka NDRF na Guwahati ban ngam sha thwei hynrei hadien shi taiew ruh kim lap satia.
Kiba haiing kila lyngngoh ngain ia kane ka jingjia namar ba watla bun sngi bad bun taiew, ka met jong une u samla, kam shym la per satia sha sla um, kumba ju long ia kiwei.
Kumta, kila suba ba ka lah ban dei pynban da kumwei ka jingjia, kaba pyllong ia une u samla ban jah haduh mynta.
Haba kren halor kane ha ka 21 tarik Nailar 2025, u bah U bah Kronding Nongbsap ula ong ba ula buddien ia kane ka kam na ki pulit ka Mawlai hynrei ym ioh ia ka jubab kaba sngew hun.
Ula ong ba na ka liang ka ïing kan sa shong pyrkhat halor kane ka bynta namar ba la sngewthuh ba ym myntoi ban iai ap bad yn thaw noh katba lah ei ki lad ki lynti watla hapdeng ka jingduk.
Shiteng bnai khlem pat per ka met ha pung| kam don hapoh um, ong kiba haïing
