Shillong: U ophisar ka kompeni NHIDCL ula kam ba jingtih ia ka surok na Umshyrpi shaduh Baniun, Upper Shillong ka la sah sa tang katto katne ki bynta bad kaba sah ka long sa tang ban siang rong bad ban shna ia ka kynroh. U la ong ba ka pynthut ruh ka jingshna na ka jingslap ha kine ki sngi.
Ia kane ula pynsngew ha ka kynhun ka State Planning Board kaba la pyllong ia ka jingjurip ia kane ka surok sawliang hapoh ka jingialam u chairman u bah Metbah Lyngdoh, mynta ka sngi 19 tarik Nailar 2025.
Ha kajuh ka por, bah Metbah ula pynpaw ia ka jingartatien ban lah ban pyndep ia ka surok sawliang ne four lane na Umshyrpi shaduh 7Mer, Upper Shillong.
Hadien ba la pyllong ia ka jingjurip ia kane ka surok ryngkat ki barikor ka PWD, NHIDCL, kompeni bad ki ophisar, u bah Metbah ula ong ba watla kila buh ban pyndep ha u Nohprah mynta u snem kumba la buh 2 snem, hynrei ki dak ki shin ka long artatien bha ban lah ban pyndep.
U la ong ba ki paidbah man ka sngi, naduh 7Mer haduh Anjalee Point, ka jingsahkut kali ka la poi sha ka 2 kynta ym duna man ka sngi, bad kane ka la buh jingeh ia ki paidbah.
Ha kajuh ka por, ula ong ba ka donkam ban pynpra shwa ia ka kynroh markhap bad ka jingkieng ha Umshyrpi namar ba ka lah ban khyllem ha kano kano ka por namar ba wat ki barikor ruh ki la kubur ia ka jingsynjor katei ka kynroh.
U la ong ba ka Board kan sa ai ia ka kaiphod ia ka sorkar halor kane ka jingwan jurip.
Sa katto katne ban tih, baroh sah tang ban shu siang rong, ong ka NHIDCL na Umshyrpi sha 7Mer
