Shillong: Ki MDC ka liangpyrshah ha KHADC mynta ka sngi, 19 tarik Nailar 2025, kila pan jingshai na u CEM ka KHADC u bah Shemborlang Rynjah halor ka jingsahkut ki skhim haduh mynta la 5 bnai kynthih naduh ba la wan ka Executive Committee thymmai.
U Nongialam ka liangpyrshah, u bah Titosstarwell Chyne ula ong ba kiwei ki MDC jong kiwei ki District Council kila ioh lut ia ka 1st instalment na ka 15th Finance Commission.
U bah Titos ula ong ba ka skhim na ka 15th Finance Commission kaba da ki phew lak kaba la dep tyrwa shwa ka elekshon ka dang sahteng bad katkum ka jingpynshai u CEM, ka dei namar ba ka don ka jingthut ha ki kor ki bor ne technical.
Ki MDC ka liangpyrshah kila pynsngew ruh ia ka jingpynslem ban siew ia ka Bill kaba la iaid mynta sha ka 6-7 bnai sha ki kontraktor.
Kiwei pat ki mat ba ki MDC ka liangpyrshah kila rah ha u CEM ka long halor ka jingwan rung beain ki briew sha kane ka jylla bad kila ai jimgmut ia u CEM ban khot da ka jingialang ia baroh ki khlieh nongsynshar ban ai ka jingmut.
Halor ka jingai Labour License ia ki bar jylla, u CEM ula ong ba u dang shu tip ia kane bad un sa ai jingshai hadien.
Kila ai jingmut ruh ba ia ki kam Hima, Elaka haba don mih kano kano ka kam hima sima, kam shnong kam thaw, kan iasyllok lang ia ki MDC jong kata ka thain.
La 5 bnai khlem pat ioh skhim ki MDC ka KHADC, ai daw u CEM ba don jingthut
