Shillong: Ka North East Students Organisation (NESO) ryngkat ka Khasi Students Union (KSU) kila pyllong ia ka jingshong kyraiñ hapdeng Khyndai Lad Shillong ban dawa na ka sorkar India bad sorkar jylla ban khang noh ia ka jingwan rung kyrthep ki mynder sha kane ka thain.
Ha ka jingshong kyrain mynta ka sngi, ka 18 tarik Nailar 2025, ki dkhot ka KSU ryngkat ki placard kiba la pynpaw ba ka la donkam mardor ia ka sorkar India ban tehlakam noh ia ka jingwan rung buhai shnong ki mynder sha kane ka thain bad ka jylla.
Kawei na ki placard ka la thoh, ‘Thaw ain tehlakam mynder noh, ioh lap ba kulmar ka basa khoi’,.
Ka jingwan beain ki mynder man ka sngi sha kane ka thaim, ka la buh ia u dak ka jingma ba shyrkhei ha kaba ki rit paid riewlum kin shah tyllep noh lada ym don ki ain kiba khlain bor.
Kum kane ka jingiakhih shong kyrain la pyllong ruh mynta ka sngi ha Guwahati, Itanagar, Shillong, Aizawl, Kohima, Imphal bad Agartala.
Ka jingshong kyrain kan neh naduh ka 12 baje mynsngi haduh 3 baje nohphai sngi.
‘Thaw ain tehlakam mynder noh, ioh lap ba kulmar ka basa khoi’, ong ka placard ka KSU ha Khyndai lad
