Shillong: Ka Meghalaya High Court ka la bthah ia ka Shillong Municipal Board (SMB) ban aiti ia ka thup kyrteng ki nongdie madan kiba ioh License bad ki bym ioh ruh ha Laitumkhrah shwa ka 28 tarik Nailar 2025.
Kane ka hukum ba ka Kashari ka la pynmih ka dei ha ka jingshim bishar halor ka jingujor ka Seng Samla Laitumkhrah, “Ieng Skhem Ha Ka Hok,” kaba la kwah ban bynrap lang ha ka PIL kaba dang iaid mynta halor ka jingshong die madan beain ha Shillong.
Ka Seng Samla Laitumkhrah, ka la kyrpad ia ka Kashari ban pyniar ia ka hukum jongka ban kyndang ia ki nongdie madan na Khyndai Lad shaduh Laitumkhrah.
Haba pyrshah ia kane ka jingujor ka Seng Samla Laitumkhrah, ka seng ki nongdie madan, ka Meghalaya & Greater Shillong Progressive Hawkers and Street Vendors Association, kila iasaid nia ba ka PIL ka la kynthup ia baroh ki lynti iaid ha ka nongbah bad ka jingpdiang sa ka Seng Samla ban long mamla, kan pynjyrwit ia ka jingbishar.
Na ka liang, ka Kashari ka la ailad ia ka Seng Samla Laitumkhrah ban don ha ka jingbishar bad kashari kan sa bishar biang ha ka jingshong bishar ha ka 29 tarik Nailar.
Ka la bthah ruh ia ka Municipal ban ai ia ka kopi sha baroh kiba iadon bynta ha ka jingiasaid ia kane ka mukotduma.
Kwah long mamla ka Seng Samla Laitumkhrah, hukum ka kashari ban sor jamin ia ki nongdie madan
