Shillong: Ki MDC bad ki nongialam ka TMC kila leit ai mynsiem ia ki nongtrei ka GHADC kiba dang pyllong ia ka jingiakhih ban dawa ia ka tulop kaba la sah teng haduh 42 bnai.
Mynta ka sngi Balang, ki MDC ka TMC kila dawa ba ka sorkar ka dei ban pyllait noh ia ka tulop jong ki nongtrei ka GAHDC.
Ki nongtrei ka Garo Hills Autonomous District Council (GHADC) hapoh ka lama ka Non-Gazetted Employees Association (NGEA) kila pyllong ia ka jingiakhih kaba jai jai ha Tura ban dawa pyllait noh ia ka tulop kaba la jan dap lai snem.
Ha kajuh ka por, u Rinaldo K Sangma, MDC, u la ong ba ka TMC kala dawa ban pyntreikam noh ia ka Riti Dustur jong ka jaitbynriew Garo bad ban don ka thup kyrteng nongthe vote lajong jong ka GHADC kaba dang sahteng ha ka tnad District Council Affairs (DCA) ka sorkar jylla.
Pyllait noh ia ka tulop, pyllong ain ia ka Riti Dustur Garo bad Electoral Roll la kajong ia ka GHADC: TMC MDC
