Shillong: U Principal Secretary ka tnad ka koit ka khiah ka jylla u Sampath Kumar ula ong ba ka jingpynkhreh ban mang bhah 40 ngut ia ki samla ka jylla ban pule doctor ha University of Science and Technology Meghalaya (USTM), Baridua, Ri-Bhoi la dep pynbit nadong shadong.
Ka jingjied bad ka jingai jinghikai kaba la pyniaid da u Director ka Health Services kan sa sdang shen.
Halor ka jingpan ram khlem sut ka USTM na ka sorkar jylla, u Sampat ula ong ba ka sorkar ka dang pynkhreh ban bishar bniah ia kane. U la ong ba ka USTM ka la theh shibun ka kheng ha ka jylla ban plie ia ka jingpule doctor ha ka dor kaba tad ia ki paidbah ka Meghalaya.
Halor ka Shillong Medical College, u Sampat ula ong ba u myntri rangbah ula iakynduh ia u myntri ka tnad ka koit ka khiah ka sorkar pdeng ban pan ia ka jingmynjur hadien ba la wan jurip ka National Medical Commission (NMC). U la ong ba kane ka college ka la don ki tiar ki tar kiba la biang hynrei ka dang duna ki nonghikai ha kaba ka sorkar ka dang thaw ia ki lad ki lynti, namar ba kiba pyndep ia ka postgraduate ki dei ban pyndep ia ka senior residency shwa ban long ki nonghikai ia ki doctor, kaban shim por haduh 10 haduh 15 snem.
Ula ong ba bun ki Assistant professor ha ka college ki dei na kane ka jylla, bad donkam ban pyndap ia ki kam ba lait kiba pyndep ia ka kyrdan professor. Na ka bynta 50 tylli ki sama pule, kumba 90 percent la don kiban hikai bad yn pyndap sa ia kiba dang thylli.
U kyrmen ba ka jingpdiang klas kan sdang noh mynta u snem.
40 ngut ioh bhah pule doctor ka jylla ha USTM
