Shillong: Shi bynta ban ai mynsiem ia ki longkmie, ka dkhot ka National Commission for Women (NCW), ka kong Delina Khongdup ha ka 11 tarik Nailar, 2025, ka la hiar sha shnong Mawlyngbna bad Kenmynsaw, kiba hap ha Mawsynram Block, East Khasi Hills.
Kane ka jingleit jngoh ka dkhot ka NCW ka dei shi bynta na ka jingwan jngoh jongka kaba shi taiew kynthih ia kane ka jylla naduh ka 6 tarik haduh 11 tarik.
Ha ka jingiakynduh bad ki longkmie ha shnong Mawlyngbna, ka Kong Delina ka la pynshai bad iasyllok ruh bad ki longkmie, Shelf Help Groups (SHG) lyngba ka skhim Lakhpati Didi.
Ka Mawlyngbna pat dei kawei na ki shnong Khasi kaba lah ban pyntreikam ia ka kyndon ban khang pyrshah ia ka shongkha khynnah ne child marriage, kaba dei kawei na ki jingeh ba pyndkoh ia ka jylla Meghalaya kaba wanrah ia ka jingkharoi ki longkmie marwei ne single mother.
Katba ha Kenmynsaw ka la iakynduh ruh ia ka kong Sharada Kynter, kawei na ki Lakhpati Didi napdeng ki 18 tylli ki SHGs kiba la ioh jingmyntoi bha na kane ka skhim ka sorkar India.
Leit ai mynsiem ka dkhot ka NCW ia ki longkmie ha Mawlyngbna bad Kenmynsaw
