Shillong: Ka sorkar jylla ka la mynjur ban thied ia ka jaka kaba heh 14.6 akar ha ka dor T.21 klur ban shna pynitynnad ia katei ka jaka kieng lieng kynda ne Kayaking.
Ia kane ka jaka la thied da ka MIFC jong ka Slalom Course Project kaba ju bna nam ban pyllong ia ka jingiakop kieng kynda ha katei ka jaka.
U myntri rangbah ka jylla u Conrad K Sangma ula ong ba kane ka dei kaba tang maka ha ka ri, ha kaba ka sorkar kan shna ia ka lynti kieng lieng kynda ne kayaking.
Ka sorkar kan shna ha kaba yn pdiang ia kane ka jaka ban pyllong kum ka jingialehkai um kaba heh ha ka ri naduh ka canoeing ne king lieng kynda da kaba ieng, kayaking bad kiwei shi bynta ban kyntiew ia ka kam jngohkai.
T.21 klur thied ka sorkar ia ka 14.6 akar ban kieng lieng kynda ha Umtham
