Shillong: Ka sorkar jylla kan ioh man u snem T. 5 lak tyngka bad 4 percent na ka jingmih na ki nongpyniaid jong ka Polo Orchid bad Jiva Resort ha Sohra.
Ia kane ka jingiateh la pyntip u myntri rangbah ka jylla u Conrad K Sangma mynta ka sngi hadien ba la wai ka kynhun myntri ne cabinet. U Conrad ula ong ba ka sorkar ka la mynjur ban pynjlan ia ka samoi shim wai jongki sa 30 snem kaban long 60 snem pura ba kin pyniaid ia ka Polo Orchid bad ka Jiva Resort.
Kane ka rai ka sorkar ka long shi bynta kaban iahap katkum ka kyndon ka kheng ne investment ka tnad jngohkai.
Kiwei pat ki rai ka sorkar ki long ban ai bor ban pyndonkam ia ka pisa da u Director of Prosecution, nangta ka la pynkylla ruh ia ka Service Rule Amendments (Administrative) jong ka Subordinate Treasury Accounts Service, Urban Affairs Service, Nursing Homes Licensing, Judicial Service, Higher Judicial Service, Police Telecommunication Service, bad ka Directory Establishment Ministerial Service.
Ka cabinet ka la weng noh ruh ia ka Optional subject na ka MCS eksamin bad ka la wanrah thymmai da ka sobjek halor ka Meghalaya ba iadei ia ka histori, kolshor, ka tip kunai bad kiwei.
Ka la thung ia u Lt. Col. Aibanjop Sooting (Retd.) kum u Zila Sainik Welfare Officer, Tura.
Sa 30 snem pynjlan ka sorkar ia ka Polo Orchid bad Jiva Resort
