Shillong: Ka sorkar jylla ka la shim ia ka sienjam ban pynsuk ia ki paidbah kiba pan jingbit ban shna shna ïing ba kim donkam shuh ban leit sha ophis hynrei ki lah ban shu aplai na ïing da ka online.
Ka jingialang ka kynhun myntri mynta ka sngi, ka la shim ia ka rai ban pynsuk ia ka Building By-Laws khnang ban pyllait ia ki paidbah na ka jingsyllang ban leit pan jingbit ban shna ïing.
U myntri rangbah u Conrad K Sangma ula ong ba kane ka rai kan treikam noh naduh ka 11 tarik Nailar 2025.
Ki ïing kiba shi mala bad ka khrum ne G+1 ha ka jaka kaba long madan ne bym don jingma kaba heh 3000 square feet, ym donkam ban thew ban woh ki barikor hynrei ki trai ïing ki lah ban shu shna ïing da kaba aplai online bad pynshisha hi ia ki kot ki sla ne self attested.
Katba ki ïing kiba ar mala bad ka khrum ne G+ 2 ha ka jingheh ka jaka kaba 7500 Square feet ki lah ban shu pynshisha ha u barikor ban iarap ban pynsted ia ka kam.
Lah ban ioh jingbit shna tang da kaba aplai na ïing khlem leit sha ophis
