Shillong: U Chief Secretary ka jylla u Donald P Wahlang ula ong ba ka tnad pynroi sor ka jylla ka dang iakren ia ki shipai ban ai jaka ban rah noh ia ki kharmetor na Them Iewmawlong.
Katkum ka jingong u Chief Secretary, ka sorkar jylla ka dang iakren ban pynkynriah ia ki kharmetor ha ka jaka ki shipai hajan ka Anjalee.
Haba kren sha ki lad pathai khubor, u Chief Secretary ula ong ba ka sorkar kan pyntip ia kane sha ka High Court Meghalaya ha kaba iadei bad ka jaka shipai kaba don hajan ka Anjalee ban pynkynriah noh ia ki kharmetor ne Harijan.
Lah ban kdew ba ka jingiakhih ban pynkynriah ia ki kharmetor ka la khih pyrthei ha u snem 2018 hadien ba la shimti ka sorkar NPP hynrei kane ka kam, ka dang sahteng haduh mynta.
Ha ka jingshisha, ka sorkar ka la pynioh jaka sha Bishop Road, ban pynkynriah ia ki Harijan ne kharmetor hynrei kane kam shym la urlong haduh mynta.
Dang iakren ka tnad sor ia ki shipai ban ai jaka ia ki kharmetor hajan Anjalee
