Shillong: Ka seng jong ki nongrep hapoh ka shatri jong ka Hills Farmers Union (HFU) hapoh ka jingïalam u Bah Commander Shangpliang, President bad Bah Allfonbirth Kharsyntiew, General Secretary ha ka sngi Palei ka 7 tarik Nailar 2025, ki la leit ban ïakynduh ïa u Bah Shemborblang Rynjah Chief Executive Member ka Khasi Hills Autonomous District Council ban ïakren halor ka jingshah bteng ot kilo ïa ki mar rep ha Ïewduh.
Ha kane ka sngi, ki nongrep ki la rah ruh shishang u Tit bad ai sngewbha ha u CEM.
U Bah Commander Shangpliang haba kren sha ki nongthoh khubor u la ong ba ka jingïakynduh jong ki ïa u CEM kam shym la ai jinghun na ka bynta jong ki namar u khlem kular eiei hynrei u ïathuh ba halor ka jingbteng ban ot kilo, ka Council kaba la don la ka jong ka aiñ ba la mynjur da u Lat, ka la pynkhreh pat ban pyntreikam ïa ka aiñ kumno ban pynshitom ïa kiba ot kilo bad ban buh da ki Pulit pahara, ha kaba ka Council ka la phah sha ka sorkar Jylla ban ïoh jingmynjur na u Lat.
U la pynpaw ruh ka jingsngew dom halor kane ka kam, da kaba kyntu ïa ki bor synshar ka sorkar Jylla bad kumjuh ruh jong ka District Council ba kim dei ban ïaleh politic ha kaba ïadei bad ki nongrep hynrei kidei ban leh la kajong ka kam ban pyntreikam hok.
Aiti tit ki nongrep ha u CEM ban pynduh ba shah ot kilo ha Iewduh
