Shillong: Ka seng National People’s Party (NPP) ka la pdiang sngewbha ïa u MLA ka Mylliem Bah Ronnie V Lyngdoh sha ka seng hadien ba u la mih noh na ka seng Congress.
Ïa ka jingïalang pdiang sngewbha la pynlong ha phyllaw ka ïing u President Rangbah uba dei u Myntri Rangbah ka Jylla, u Conrad K Sangma ha kaba la ïadon lang kiwei ki nongïalam ka NPP, ki nongkyrshan bad ba haïing hasem u Bah Ronnie.
Lah ban kdew ba u Bah Ronnie u la dei tang marwei u MLA ka Congress ha ka Jylla, hadien ba u la sah marwei katto katne por, ha ka 30 tarik Naitung da kaba resaiñ noh na ka jinglong dkhot lane MLA jong ka Congress bad ban pynïasoh noh bad ka National People’s Party (NPP) kaba dei ka seng ba ïalam ïa ka Sorkar MDA.
Baroh shikatta u Bah Ronnie u don ha ka Liang Pyrshah, u la long u Nongïalam ka Liang Pyrshah ha Ïingdorbar thawaiñ bad hashwa ba un mih noh na ka Congress u bat kum u Chief Whip ka Liang Pyrshah hapoh ka Ïingdorbar thawaiñ.
“U Myntri Rangbah u Conrad K Sangma u dei uba jur ka kam ban ia ka tyngam”, la ong u bah Ronnie haba kren ha ka jingshah pdiang sha ka NPP.
“Nga la risain ka Congress bad nga la pyniasoh sha ka NPP bad ki kjat jong nga ki dang khynniuh bad ka bateri ka mobile ka la jan lut na ka jingshlei ki message. Don ruh kiba tbit ban shna meme ia nga, nga ai khublei ia ka sap jongki”, la ong u bah Ronnie.
U la ong ba kane ka rai kam dei kaba kynsan hynrei ka long kumba ap shwa shabar kumba shet jingshet ban ap ban ih ka jingbam.
Dang khynniuh ki kjat, jan lut bateri ka mobile ba shlei ki message mar synrung sha NPP, ong u bah Ronnie
