Shillong: Ki pulit ka State Disaster Response Force (SDRF) ki dang bteng ban wad ia u ophisar ka tnad ka rep ka riang uba la shah rong ha ka umsaw ka wah Ganol ha ka sngi u Blei.
Ka jingwad ka la bteng ha ka thain Sella Wari, hajan ka Tura, West Garo Hills ia u Teseng M. Sangma uba la shah rong ha ka umsaw ha ka janmiet ka sngi u Blei.
Ka kynhun ki SDRF ka la sdang wad ia u naduh ka por 4pm hynnin ka sngi ha kaba la wan iatreilang ruh ki pulit bad ka Fire and Emergency Services hynrei la pynsangeh noh hadien ka por 7pm na ka jingdum ka miet.
Ka jingwad kala sdang biang mynta ka sngi naduh ka por 8baje mynstep ha kaba kila hiar shaduh ka thain Pelga Wari. U Deputy Controller of Civil Defence, West Garo Hills, u Timai K Sangma, ka jingwad ka dang iaid haduh mynta hynrei khlem pat lap satia.
Ym pat lap ia u ophisar ba shah rong ha wah Ganol, dang wad ki SDRF
