Shillong: Ki pulit ka Anti-Narcotics Task Force (ANTF) bad ka West Jaintia Hills kila ioh kem ia 2 ngut ki snar nongkhaïi drok katba ki dang shong da ka bos MTC na Silchar sha Shillong.
Kiba shah kem la tip kyrteng kum u Milton Chakraborty, ba khot sin kum u Lucky, bad uwei pat u dei u Kasimuddin bad na ka met jongki, la ioh kurup 52.02 g u drok heroin.
Katkum ka kyrwoh na u Superintendent of Police, ki pulit ka ANTF kila ioh pdiang ia ka jingtip ia kine ar ngut hynnin ka sngi por 11pm ba u Chakraborty bad u Kasimuddin ki wan da ka bos Meghalaya Transport Corporation (MTC) na Silchar sha Shillong bad ki drok.
Halor kane, ki pulit kila pyllong ia ka jingpynap shrip bad ioh kem syndon ryngkat u drok ha ka por 4am na ka bos ML 03 0189 ha Mihmyntdu. La ioh kurup ia u drok na ka patlun poh jong u Kasimuddin bad u Charkraborty kiba la buh rieh bha khop. La pynngat ia ki ha ka Narcotic Drugs and Psychotropic Substances (NDPS) Act bad la pynngat kyndon ain ha Jowai Police Station. Ka jingtohkit ban lap ia ka jingdonkti shuh shuh jongki, ka dang iaid.
Na patlun poh, ioh kurup drok ki pulit na 2 ngut ba shong da ka bos MTC
