Shillong: Ka jinglong ka surok narum Laitlyngkot shaduh Lyngkyrdem jong ka Shillong-Pynursla ka long kaba syier bha namar ba ka dang iaid ka jingtih ia kane ka surok, ha kaba ka dang long khohruh khohram bad syntuid ka khyndew khamtam ha kane ka por ba slap.
Hynnin ka janmiet sngi u Blei, san ngut shi ïing kila khlad hadien ba ka Maruti ML05U4926 ka la hap shariat lumloin shwa ban poi ha Rngain.
Kiba khlad ki long uwei u khunlung ba dang shi snem tam, nalor ka kong Ellida Marbañiang, bah Mebanador Marbañiang, bah Aimeki Marbañiang, kong Risbun Kurbah bad bah
Damebanshngaiñ Kurbah.
Kane ka la jia katba ki dang hiar ban leit sha Lyngkyrdem kaba dang jngai sa katto katne kilometre na katei ka jaka kaba ki kynduh ia ka apot.
Ka jingjia ka lah ban dei na ka jingbym biang ka jingbuh dak ka kompeni shan surok namar ba ka don ka jingpyniaid kali na kawei ka bynta namar ba ka jingshna ia ka surok bad ha ka jingdum ka miet bad kah lyoh ka la ialam pynban sha kane ka jingjia ba sngewsih.
Ka SDO Pynursla kham mynshwa, ka la pynmih ia ka jingbthah ba la khang ban iaid kali naduh 11am haduh 4pm bad naduh 9pm haduh 4am man ka sngi, khnang ban ailad ia ka kompeni shna surok ba kan pynsted ia ka jingtrei. Ka la bthah ruh ia ki paidbah ban kiar ban iaid khlem donkam namar ba ka jinglong jingman kam da long kaba shngain ha katei ka bynta ka surok naduh narum Laitlyngkot shaduh Lyngkyrdem.
Ka jingsyier narum Laitlyngkot sha Lyngkyrdem, khlad 5 ba noh ka Maruti sha riat
